گواردیۆلا ئەمجارەش شکستیهێنا لە گەیاندنی مانچستەر سیتی بە قۆناغی چارەکی کۆتایی
لە چوارچێوەی یارییەکانی قۆناغی چارەکی کۆتایی خولی یانە پاڵەوانەکانی ئەوروپا، هەردوو یانەی مانچستەر سیتی و یانەی لیۆنی فەرەنسی ڕوبەڕوی یەکتر بوونەوە.
لە نیوەی یەکەمی یارییەکەدا یانەی لیۆن بە گۆڵێک پێشکەوت و گۆڵەکەش ماکسوێڵ کۆرنی لە خولەکی 24 یارییەکەدا تۆماریکرد و نیوەی یەکەم بەو ئەنجامە کۆتایهات.
لە نیوەی دوەمی یارییەکەدا یاریزانانی یانەی مانچستەر سیتی لە هەوڵەکانیان بەردەوام بۆن بۆ یەکسان کردنەوەی ئەنجامەکە و لە ئەنجامی هێرشەکاندا دی بڕۆین لە خولەکی 69ی یارییەکەدا گۆڵی بەرامبەری بۆ یانەکەی تۆمارکردەوە، بەڵام لەخولەکی 79 موسا دێمبڵی گۆڵی دوەم و پێشکەوتنی بۆ یانە فەرەنسییەکە تۆمارکرد، هەمان یاریزان لە خولەکی 87ی یارییەکەدا گۆڵی دوەمی خۆی و سێیەمی یانەکەی تۆمارکرد.
سەرئەنجام لیۆن یارییەکەی بە 3 گۆڵ بەرامبەر بە گۆڵێک بردەوە و خوی گەیاندە قۆناغی نیوەی کۆتایی پاڵەوانێتیەکە و لەوێشدا بەرامبەر یانەی بایرن میونشن یاریی دەکات.
لەو کاتەوەی گواردیۆلا بووەتە ڕاهێنەری یانەی مانچستەر سیتی نەیتوانیوە لە یارییەکانی چامپیۆنس لیگ یانەکەی بگەیەنێتە قۆناغی پێشکۆتایی چامپیۆنس لیگ.
