ڕێزنان لە یادی حەکیم «نیزامیی گەنجەوی» لە زانکۆی بەغدا
ڕێوڕەسمی یادکردنەوەی حەکیم «نیزامیی گەنجەوی» شاعیری فارسی زمانی ئێرانی لە زانکۆی بەغدا لە عێراق بەڕێوەچوو.
«جەمالەددین ئەبوو محەممەد ئیلیاس» ناسراو بە«نیزامیی گەنجەوی» شاعیرو چیرۆکنووسێکی ئێرانی بووە و لە سەدەی دوازدەهەمدا ژیاوە.
«مەخزەنولئەسرار»، «حەفت پەیکەر»، «خوسرەو و شیرین»، «شەرەفنامە_ئیسکەندەر»، لەیلی و مەجنون» و دیوانی «حەکیم نیزامی» بەشێک لە بەرهەمە بەناوبانگەکانی ئەم شاعیرە ئێرانییەن.
گڵکۆی حەکیم نیزامی دەکەوێتە پەراوێزی ڕۆژئاوای شاری گەنجە ھەڵکەوتوو لە باکووری ڕۆژئاوای کۆماری ئازەربایجانی ئێستاوە کە لە شارە ھەرە کۆن و مێژووییەکانی قوقاز دێتە ئەژمار.
بە پێی ڕاپۆرتی ئیرنا، فێستیڤاڵی زانستی و ئەدەبیی "نیزامی" بە بۆنەی حەوتەی یادی حەکیم «نیزامیی گەنجەوی» شاعیری ناوداری ئێران، بە ئامادەبوونی «محەمەد کازم ئالی سادق» باڵوێزی کۆماری ئیسلامیی ئێران لە عێراق، «عەلی عەدنان مشەووەش ئەلکەعبی» سەرۆکی کۆلیژی زمانی زانکۆی بەغدا، مامۆستایان و خوێندکارانی زانکۆ بە میوانداریی بەشی زمان و ئەدەبی فارسی زانکۆی بەغدا بەرپا کرا.
لە بەرنامەکانی ئەم چالاکییە ئاهەنگگێڕان بۆ ئەو زانکۆییانەی تازە ڕوویان لە وێژەو ئەدەبی فارسی کردووە، ناساندنی مامۆستایانی زانکۆی بەغداو باشترین دەرچووانی بواری زمان و ئەدەبی فارسی لەسەر ئاستی بەکالۆریۆس و ھەروەھا سەردانی بەشی ئەدەبی فارسی و ئاهەنگی نەورۆز بوو کە زانکۆییەکانی عێراقەوە پێشوازییەکی گەرم و گوڕی لێ کرا.
لەم دیدارەدا باڵوێزی ئێران هەروەها گوێی لە لێدوانی خوێندکاران و ستافی ئەکادیمیای بەشی زمان و ئەدەبی فارسیی کۆلیژی زمانەکانی زانکۆی بەغداش گرت و ئامادەیی خۆی بۆ لابردنی ئاستەنگەکانی خوێندکاران و دەرچوانی زانکۆی بەغدا بە ھاوکاریی سەرۆکایەتیی کۆلیژەکە ڕاگەیاند.
