گەیشتنی بەدەیان لۆری فریاگوزاری بە کەرتی غەززە لە یەکەم ڕۆژی ڕاگیرانی شەڕەوە
تشرینی دووه‌م 25, 2023 19:30 Asia/Tehran
نوسینگەی هاودەنگی کاروباری مرۆیی ڕێکخراوی نەتەوە یەکگرتوەکان "ئۆچا" دوێنی هەینی ڕایگەیاند کە سەدو سی و حەوت لۆری باری بریتی لە کەلوپەلی مرۆیی لە یەکەم ڕۆژی ڕاگیرانی شەڕ گەیشتە کەرتی غەززە.
"ئۆچا" هاوکات ڕاشیگەیاند کە تاکوو ئێستا سەدو بیست و نۆ هەزار لیتر سووتەمەنی و چوار لۆری گاز گەیشتۆتە غەززەوو بیست و یەک نەخۆشیش لە دۆخێکی شپرزەو لە پرۆسەیەکی پزیشکی بەربڵاودا لە باکوری غەززەوە ڕاگوێزراون.
بەپێی ڕاگەیاندراوی ئۆچا لەیەکەم ڕۆژی ڕاگیرانی شەڕەکەی غەززە یارمەتی خواردەمەنی و ئاوو ئامێرو زۆر کەلوپەلی پزیشکی مرۆیی گەیشتوە بە سەدان هەزار کەس.
ئاگربڕی چوار ڕۆأەی نێوان ڕژیمی زایونی و بزوتنەوەی خۆڕاگری ئیسلامی فەلەستین حەماس لە کاتژومێر حەوتی ڕۆژی هەینی یەوە دەستی پێ کردوە.
