گەیشتنی ٦١ لۆریی یارمەتی بە باکووری غەززە
ناوەندی هەواهەنگیی کاروباری مرۆڤدۆستانەی نەتەوە یەکگرتووەکان ڕایگەیاند کە یازدە ئامبوڵانس، سێ پاس و ڕادەیەک کەرەستەی نەخۆشخانەیی لەوان تەختی نەخۆش ڕادەستی نەخۆشخانەی شفا کراوە.
ڕیکخراوی نەتەوەکان ڕایگەیاندووە ٦١ لۆریی هەڵگری کەرەستەی پزشکی، خۆراک و ئاو، باری خۆیان لە باکووری کەرتی غەززە داناوە. ناوەندی هەواهەنگیی کاروباری مرۆڤدۆستانەی نەتەوە یەکگرتووەکان ڕۆژی یەکشەممە لە بەیاننامەیەکدا ڕایگەیاند کە یازدە ئامبوڵانس، سێ پاس و ڕادەیەک کەرەستەی نەخۆشخانەیی لەوان ژمارێک تەختی نەخۆشی ڕادەستی نەخۆشخانەی شفا کردووە.
گەیشتنی شەست و یەک لۆریی یارمەتی بە باکووری غەززە لە ئاراستەی قۆناغی دووەمی ئاگربڕی کاتیی نێوان حەماس و ڕژێمی زایۆنیدایە کە لەودا حەماس ١٣ ئیسراییلی و ٧ شاروومەندی بیانی ڕادەستی خاچی سوور کرد. ژێدەرە خۆجێیەکانیش ڕاپۆرتیان داوە کە ڕژێمی کاتیی زایۆنی ٣٩ دیلی فەلەستینی ئازاد کردووە.
