ئاماری شەهیدەکانی غەزە سنووری ٣٣ هەزار کەسی تێپەڕاند
وەزارەتی تەندروستیی غەززە ئەمڕۆ هەینی ڕایگەیاند کە ڕێژەی شەهیدەکانی کەرتی غەززە لە دەسپێکی دەستدرێژیی ڕژیمی زایۆنی بۆ سەر ئەم کەرتە هەڵکشاوە بۆ زیاتر لە سی و سێ هەزار کەس.
وەزارەتی تەندروستیی غەزە ڕایگەیاند کە ڕژیمی زایۆنی لەماوەی بیست و چوار کاتژمێری ڕابردوودا پێنج قەڵاچۆو دڕندەکاریی دیکەی لە ناوچە جۆربەجۆرەکانی ئەم کەرتە ئەنجام داوە کە بوونەتە هۆی شەهید بوونی پەنجاو چوار کەس و برینداربوونی هەشتاو دوو کەسی دیکەش.
ئەم وەزارەتخانەیە ڕاشیگەیاندووە کە بە لەبەرچاوگرتنی ئەو تازەشەهیدانە ، ژماری شەهیدەکان لەدەسپێکی هەڵمەتەکەی باهۆزی ئەقساوە تاکوو ئێستا گەیشتۆتە سی و سێ هەزارو نەوەدو یەک کەس.
وەزارەتی تەندروستیی غەزە هەروەها دوایین ئاماری بریندارەکانیشی بە حەفتاو پێنج هەزارو حەوسەدو پەنجا کەس ڕاگەیاند، کە تەرمی ژمارێک لەو شەهیدانە هێشتاش لەبن دارو پەردودای ماڵ و باڵاخانە ڕووخاوەن و لە قەڕاغ شەقامەکاندا ماونەتەوە و لەبەر بێوچان بوونی پەلامارەکانی زایۆنییەکان، ناوەندەکانی فریاگوزار توانای دەسراگەیشتن بەو تەرمانە و گواستنەوەیان نییە.
