خالد مەشعەل: دۆخی خۆڕاگری لە غەززە باشە، لە ئانوساتێکی مێژووییداین بۆ شکستپێهێنانی ئیسراییل
سەرۆکی بزووتنەوەی خۆڕاگریی ئیسلامیی فەلەستین (حەماس) لە دەرەوەی خاکی فەلەستین وتی: دۆخی خۆڕاگری لە غەززە باشە و لە بست بە بستی خاکی ئەم ناوچەیەدا، خەریکی هێزگرتنەوە و هەستانەوەی دووبارەیە.
خالد مەشعەل لە لێدوانی دوێنێی خۆیدا لە کۆبوونەوەی "باهۆزی ئەقسا" لە ئەستەموڵی تورکیا وتیشی: ئێمە ئێستا لە ئانوساتێکی مێژوویی و هەلێکی تایبەتداین بۆ شکست پێهێنانی ئیسراییل و پووچەڵ کردنەوەی پرۆژەی زایۆنیستی. مەشعەل وتیشی: دوژمنی ئێمە لە پاشەکشەدایە و پاش تێپەڕینی زیاتر لە هەشت مانگت شەڕ و پێکدادان، خەریکە متمانەبەخۆیی بۆ نامێنێ. ناوبراو ڕاشیگەیاند کە جەنایەتەکانی ڕژێمی ئیسراییل بە پشتیوانیی ئەمریکا ئەنجام دەبێ.
سەرۆکی بزووتنەوەی خۆڕاگریی ئیسلامیی فەلەستین وتی: ئێمە داوا لە ئۆمەتی ئیسلامیی خۆمان دەکەین کە بەردەام بن لە دەربڕینی تووڕەیی و ناڕەزایەتییان لە پێناو ڕاگیردرانی ئەم دەسدرێژکارییە و هەروەک باهۆز، باڵوێزخانەکانی ئەمریکا و ڕژێمی زایۆنی گەمارۆ بدەن.
