حیسام بەدران: چین، بانگهێشتی گرووپە فەلەستینیەکانی کرد بۆ بەشداربوون لە کۆبوونەوەی داهاتووی پیکەن
ئەندامێکی مەکتەب سیاسیی بزووتنەوەی حەماس ڕایگەیاند، چین بانگهێشتی گرووپە فەلەستینیەکانی کرد بۆ هاوبەشیی لە دانیشتنی پیکەن لە کۆتایی ئەم مانگەی زایینیدا.
"حیسام بەدران" ئەندامی مەکتەب سیاسی و سەرۆکی نووسینگەی پەیوەندییە نیشتمانییەکانی حەماس لەو بارەوە ڕایگەیاند؛ حەماس و گرووپە فەلەستینیەکانی دیکە، بانگهێشتنامەیەکیان لە چین پێگەیشتووە بۆ بەشداربوون لە دانیشتنەکەی رۆژانی٢١و٢٢ی ئەم مانگەی زایینی (٣١ی پووشپەڕ و یەکی گەلاوێژ).
وتیشی: بە ورەیەکی ئەرێنی و بە هەست بە بەرپرسایەتیی نیشتمانی، لەگەڵ ئەو بانگهێشتنامەدا هەڵس و کەوت دەکەین هەتا بگەین بە یەکڕیزییەکی نیشتمانیی شیاوی گەلی فەلەستین و هاوتەریب لەگەڵ ئەمەگداریی و ئازایەتییەکانی ئەوان بەتایبەت لەسای نەبەردی باهۆزی ئەقساوە.
بەدران لە درێژەی قسەکانیدا وتی: دانیشتنی داهاتووی چین، دانیشتنێکی نیشتمانی گشتداگرە کە هەموو تاقم و لایەنە جۆربەجۆرە فەلەستینییەکان لەخۆ دەگرێ .
ناوبراو وتیشی: بەبڕوای ئێمە، دەکرێ لە ئەنجامەکانی کۆبوونەوەی ڕابردوو کەڵک وەرگیردرێ کە لە ئاوریلی ڕابردوو لە پیکەن بەڕێوە چوو.
نوێنەرانی بزووتنەوەی حەماس و فەتح یازدەی مانگی گوڵان بە سازدانی دانیشتنێک لە پیکەن، پرسی چارەسەریی ناکۆکیی و جیاوازیی روانگەکانیان تاووتوێ کردبوو.
