باهۆزی ئەقسا مزگێنی بەخشی لەناوچوونی ئیسرائیلە
بە تێپەڕینی ساڵێک بەسەر شەڕی غەززەو هەڵمەتی حەماس لە رۆژی حەوتی ئۆکتۆبەر بە "باهۆزی ئەقسا"وە، ڕاپۆر و هەواڵەکان باس لەوە دەکەن کە بەپێچەوانەی بانگەشەکانی رژیمی زایۆنیستی، حەماس هەروا هێز و توانای پراکتیکیی خۆی پاراستووە.
"خالید مەشعەل"ی سەرۆکی مەکتەب سیاسیی بزووتنەوەی خۆڕاگری ئیسلامیی فەلەستین(حەماس) لە دەرەوەی فەلەستین، لە یەکەم ساڵوەگەڕی هەڵمەتی باهۆزی ئەقسا دژ بە رژیمی زایۆنیستی وتی: هەڵمەتی باهۆزی ئەقسا، قۆناخێکی تازەی لە خەباتی دژ بە رژیمی زایۆنی بەدیهێنا و وەک خاڵێکی رەش لە مێژووی ئەو رژیمە ساختەدا دەمێنێتەوە. رژیمی زایۆنیستیی، هەرەسی هێناوەو بێ ئاکام بووەو گوردانەکانی خۆڕاگریی حەماس، سەرکەوتنیان سەرباری گشت جەنایەت و تاوانکارییەکانی رژیمی زایۆنی، مسۆگەر کرد.
"زیاد نەخالە"ی سکرتێری گشتیی بزووتنەوەی جەهادی ئیسلامیی فەلەستینیش لە بەیاننامەیەکدا رایگەیاند: لە حاڵێکدا یەکەم ساڵهاتی هێرشی حەوتی ئۆکتۆبەر، رێز لێ دەگرین کە خەڵکەکەمان لەبەر دڕندانەیەتی زایۆنییەکان، تووشی سەخڵەتی و موسیبەتێکی مەزن هاتووەو فەلەستین، جیهانی نوقمی جەهاد کردووە. لەماوەی یەک ساڵی ڕابردوودا، گوردانەکانی قودس لە هەموو بەرەکانی شەڕ لە غەززەوە بگرە هەتا لێواری رۆژاوا، ئامادەبوونێکی چڕ و چالاکیان بووە. ئێمە بۆ ئاگربڕ و پێک گۆڕینەوەی دیلەکان ئامادەین، ئەوە دوژمنی زایۆنییە کە تەگەرە دەخاتە بەردەم ئەو رەوتە.
"خەلیل ئەلحەییە" یەک لە بەرپرسانی باڵای بزووتنەوەی حەماسیش وتوویەتی؛ ساڵێک بەسەر دەسپێبوونی باهۆزی ئەقسادا تێدەپەڕێ و خەڵکی ئێمە بە خۆڕاگریی، خوێن و بەرخۆدانیان، مێژوویەکی تازە دەنوسنەوە. خەڵکی فەلەستین ئەگەرچی ئاوارەو پەرتەوازە بوون، بەڵام پاوەجێ و راوەستاوبوونیان لە خۆڕاگریی و پشوودرێژیدا سەلماند. لەهەمان کاتدا، حیزبوڵڵای لوبنان و بزووتنەوەی حەماس، بەیاننامەی جیاجیایان بڵاو کردەوە. بزووتنەوەی حەماس لە بەیاننامەکەیدا، ئەو رۆژەی بە خاڵێکی وەرچەرخانی مێژوویی لە رەوتی خەباتی گرووپە فەلەستینیەکان و کاردانەوەیەکی ئاسایی بەرامبەر پیلان و دهۆی زایۆنییەکان زانی بۆ سڕینەوەی ئارمانجی نیشتمانیی فەلەستین و بەیاننامەی حیزبوڵڵاش وێڕای ئاماژە بەوەی کە هەڵمەتی باهۆزی ئەقسا، ئەنجامی مێژوویی و ستراتژیکی لەناوچەدا دەبێ، ڕایگەیاند کە ئەو هەڵمەتە، دەبێتەمایەی لێکهەڵوەشانی رژیمی زایۆنیستی.
