ڕاپێچ کرانی کادێرە پزیشکییەکانی نەخۆشخانەی «کەمال عودوان»ی غەززە
تشرینی یه‌که‌م 26, 2024 19:56 Asia/Tehran
ڕژێمی زایۆنی کادێرە پزیشکییەکانی نەخۆشخانەی «کەمال عودوان»ی غەززەی ڕاپێچ کردن.
ڕژێمی زایۆنی سەرباری هۆشداریی نێودەوڵەتی، لە کردەوەیەکی تاوانکارانەدا تێکڕای کادێرە پزیشکییەکانی نەخۆشخانەی «کەمال عودوان» ڕاپێچ کردن و ڕایگواستن بۆ شوێنێکی نادیار. لەشکریانی ڕژێمی زایۆنی ھەروەھا کۆمەڵێک لە بریندارانی نێو ئەم نەخۆشخانەیەشی دەستبەسەر کرد.
سوپای تیرۆریستی زایۆنی بۆ دووهەمین ڕۆژی لەسەر یەک بەردەوامە لە گەمارۆدانی نەخۆشخانەی «کەمال عودوان»ی غەززە و پەک خستنی ئەم ناوەندە پزیشکییە. میدیاکانی فەلەستینیش ڕایانگەیاندووە کە دوژمنی زایۆنی دەستی کردووە بە ھەڵقەندنی چاڵ لە حەوشەی نەخۆشخانەی «کەمال عودوان»دا.
