دەزگەی خۆبەڕێوەبەری فەلەستین: واشینگتۆن بەرپرسی جەنایەتەکانی ئیسراییلە
وتەبێژی فەرمیی دەزگەی خۆبەڕێوەبەری فەلەستین بە ئاماژە بە دەسدرێژییەکانی شارۆچکەنشینانی زایۆنی دژ بە فەلەستینییەکان جەختی کرد کە واشینگتۆن بەرپرسی تۆکمە و تەواوی تیرۆریزمی سوپا و شارۆچکەنشینانی زایۆنییە.
"نەبیل ئەبوڕەدینە" وتەبێژی فەرمیی سەرۆکی دەزگەی خۆبەڕێوەبەری فەلەستین کاردانەوەی نیشاندا بە پەرەسەندنی تیرۆریزمی شارۆچکەنشینان دژ بە گەل و خاکی فەلەستین کە دوایین نموونەیان پەلاماردانی شارۆچکەی بەیت فوریک لە ڕۆژهەڵاتی نابلۆس بوو. ناوبراو پێیشیداگرت لە سەر پێویستی گرتنەبەری هەڵوێستی نیودەوڵەتی بۆ ڕاگرتنی ئەو دەسدرێژییانەی دەکرێتە سەر کەرتی غەززە و ڕازی نەبوون بە سیاسەتی بێسوود و بەکەڵکنەهاتووی ئیدانەکردن.
ئەبووڕەدینە بە ئاماژە بەوەی کە بەردەوامبوونی جەنایەتەکان و تیرۆریزمی ڕژێمی زایۆنی و سووربوونی ئەم ڕژێمە لەسەر بنپێکردنی یاسا و ڕێسا نێودەوڵەتییەکان، لەبەر داکۆکی کرانی بەربڵاوی دراوی، چەکەمەنی و سیاسیی ئەمریکا لەم ڕژێمەیە و بەرپرسایەتیی تۆکمە و تەواوی دواهاتەکانی ئەم سیاسەتە پڕمەترسییانەی ئیسراییل لە ئەستۆی ئەمریکادایە، ڕاشیگەیاند کە تیرۆریزمی ئیسراییل چ لە لایەن سوپای تیرۆرەوە جێبەجی بکرێ و چ بە دەستی شارۆپچکەنشیانەوە و پاڵپشتی ئەمریکایش لەم جەنایەتانە، هەرگیز نابێتە هۆی دامەزرانی ئاسایش و پاوەجێی لە ناوچەکە.
