ئانڕوا ناردنی یارمەتی بۆ غەززە لە دەروازەی کەرەم ئەبووسالمەوە ڕادەگرێ
ئاژاسی فریاگوزاری و کاردیتنەوەی نەتەوە یەکگرتووەکان بۆ ئاوارە فەلەستینییەکان ناسراو بە ئانڕوا ڕایگەیاند کە چالاکییە مرۆڤدۆستانەکان لە غەززە لەبەر گەمارۆدرانی بێوچان و تەگەرەنانەوەکانی کاربەدەستانی ڕژێمی زایۆنی ئیتر گونجاو نییە.
فیلیپ لازارینی وتی: چالاکییە مرۆڤدۆستانەکان لە غەززە لەبەر گەمارۆدرانی بەردەوام، نەبوونی ئاسایش و تەگەرەنانەوەکانی کاربەدەستانی ڕژێمی زایۆنی بە هیچ لەونێ گونجاو نییە. لازارینی وتوویەتی کە بڕیاری ئێمە لە سەر ڕاگرتنی ناردنی یارمەتییەکان لە کاتێکدا کە قات و قڕی و برسێتی لە غەززە بە خێراییەکی تەواو ڕووی لە کارەسات ناوە، بڕیارێکی هاسان نەبوو.
ئاژانسی ئانڕوا ڕایگەیاندووە کە ئێستا زیاتر لە ٤١٥ هەزار ئاوارە پەنایان بردۆتە بینا و باڵاخانەکانی خوێندنگەکانی ئەم ناوەندە لە سەرانسەری غەززەدا؛ ئەوە لە کاتێکدایە کە سەدان هەزار کەسی دیکە لە ڕەوشێکی نالەبارتر لە پەناگە کاتییەکاندا ژیان دەبەنە سەر. ئانڕوا هەروەها وشداری داوە بەرپرسایەتی پاراستنی گیانی فریاگوزاران و فەرمانبەرانی ناوەندە مرۆڤدۆستانەکان لە ئەستۆی ڕژێمی زایۆنیدایە وەک هێزێکی داگیرکەر.
