پەلامارەکانی ئەمڕۆی ڕژێمی زایۆنی بۆ سەر کەرتی غەزە
وەزارەتی تەندروستی غەزە لە 445 مین ڕۆژ لە شەڕی غەزە ڕایگەیاند کە ڕژێمی داگیرکەری زایۆنی 5 کوشتاری نوێی لە کەرتی غەزە ئەنجام داوە کە بە هۆیەوە 28 کەس شەهید و 59 کەسیش بریندار بوون
لە پەلامارەکانی ڕژێمی داگیرکەر بۆ سەر ناوەندی غەزە زیاتر لە 18 کەس بۆ وێنە چەن ژن و منداڵ شەهید بوون . هێزە داگیرکەرەکان ژومارێک لە ماڵی شاروومەندانی فەلەستینی لە نزیکیی ناوچەی ئەلسەفتاوی لە باکووری شاری غەزەیان تەقاندەوە کە لە ئاکامیدا دوو منداڵ شەهید بوون و یازدە کەسی دیکەش بریندار بوون . عومەر ئەلدیراوی پەیامنێری فەلەستینی یش لە بوردمانی ماڵێک لە شاری زەوایەدە لە غەزە شەهید بوو . میدیاکانی فەلەستینی یش باسیان کرد لە شەهادەتی 9 کەس و بریندار بوونی ژومارێک لە بوردمانی ماڵێک لە ئوردووگای مەغازی .
بەم جورە ژوماری شەهیدانی فەلەستینی لە 7 ئوکتوبری 2023وە تا ئێستا گەیشتووەتە 45581 کەس و 108 هەزار و 438 کەسیش بریندار بوونە لە لایەکی دیکەوە فلیپ لازارینی سەرۆکی ئانڕوا وتویەتی ڕژیمی زایونی لە دەسپێکی پەلامار بۆ سەر غەزە تا ئێستا زیاتر لە 650 جار شوێنەکانی سەر بە ئەو دامەزراوەیە کەوتوونەتە بەر پەلامار کە لانیکەم 745 کەس لەو پەلامارانەدا شەهید بوونە و زیاتر لە 2 هەزار و 200 کەسیش بریندار بوونە لازارینی وتیشی کە لەو ماوەیەدا دوو لە سێی بیناکانی ئانڕوا لە غەزە کاول بوونە و ئێستاکە لانیکەم 20 فەرمانبەری فریاگوزاری ئەو دامەزراوەیە لە لایەن زایونیەکانەوە قوڵبەست کراون .
هاوکات لە گەڵ پەلامارە موشەکیەکانی ئەمڕو بۆ سەر شاروچکەکانی دەڤەری غەزە هێزەکانی خوڕاگری فەلەستین هەروا درێژە ئەدەن بە زەبر وەشاندنیان دژی داگیرکەران . هێزەکانی شەهید عومەر قاسمیش جەختیان کرد شوێنی کۆبوونەوەی چەکدارانی زایونی لە بنکەی فەرمانگەی مەدەنی لە ڕوژهەڵاتی ئوردووگای جبالیا لە باکووری کەرتی غەزەیان بە گولەهاوەن کوتاوە .
