سیاسەتی برسێتیدان لە غەززە درێژەی شەڕی ژینۆسایدە
حازم قاسم وتەبێژی بزووتنەوەی خۆڕاگریی ئیسلامی حەماس وتی: بەردەوامیی سیاسەتی قاتوقڕی و برسێتیدانی داگیرکەران بە خەڵکی کەرتی غەززە، درێژەی شەڕی ژینۆسایدی ڕژێیمی داگیرکەر و تەشەنەپێدانی تیرۆری دژ بە خەڵکی فەلەستینە.
حازم قاسم وتەبێژی بزووتنەوەی خۆڕاگریی ئیسلامی فەلەستین حەماس وتی: دوابەدوای بڕیاری بنیامین ناتانیاهۆی سەرۆک وەزیرانی ڕژێمی زایۆنی، داخرانی دەروازەی سنووری کەرەم ئەبووسالم لە باشووری ڕۆژهەڵاتی کەرتی غەززە و پێشگری بە گەیشتنی یارمەتی و شتومەکی مرۆڤدۆستانە هەر بەردەوامە. بڕیاری ڕژێمی زایۆنی لەسەر پێشگری بە گەیشتنی یارمەتی خۆراکی و دەرمان و سووتەمەنی بەغەززە بۆتە هۆی هەڵکشانی نرخەکان لەم ناوچەیەدا.
ڕاوێژکاری پەیوەندی لە ئەنجومەنی نەرویژی ئاوارەکانیش بە لێکدانەوەی بارودۆخی غەززە وتوویەتی کە لە ئوردووگای ئەلخەیامی غەززەدا لەو کاتەوە یارمەتی مرۆییەکان هەڵپەسێردراون هیچ خۆراک و خواردنێک دەست ناکەوێ. بەرپرسانی پێنج ناوەندی یارمەتیدەری گەورەی جیهانی و ڕێکخراوی نەتەوەی گرتووەکانیش وشداریان داوە لەحاند پەرنامەی تلاڤیڤ بۆ گرتنە دەستی کۆنترۆڵی ڕاستەوخۆی هاتنە ناو و دابەشکرانی یارمەتییە مرۆییەکان لە غەززە .
ڕۆژنامەی واشینگتۆن پۆست بە گێڕانەوە لەم کاربەدەستانە نووسیویەتی: بە پێی گەڵاڵەکەی ئیسرائیل، تەنیا یەک شوێن بۆ هاتنە ناوەی یارمەتییەکان دەکرێتەوە کە ئەویش دەروازەی کەرەم ئەبو سالەمە و یەک سیستەمی شوێندۆزیش دادەنرێ بۆ دابەشکردنی یارمەتییەکان لەنێو غەززەدا.
بەرنامەی جیهانی خۆراکیش بە وشدار لەحاند باروودۆخی کارەساتباری خۆراک و دەسڕانەگەیشتنی خەڵک بە خواردن لە غەززە وشداری داوە لەحاند کۆتایی هاتنی پاشەکەوتی خۆراک لەم ناوچەیەدا.
هەروەها وتەبێژی وەزارەتی تەندروستیی فەلەستین بارودۆخی دانیشتووانی کەرتی غەززەی بە قەیرانی وەسف کرد و جێبەجێنەکرانی بەڵێن و ئەستۆگرییەکانی ڕژێمی زایۆنی لە چوارچێوی ڕێککەوتنی ئاگربڕی دایە بە ڕەخنە و گازندەوە. خەلیل دەقران جەختی کرد: ئەم وەزارەتخانەیە هیچ پاشەکەوتێکی دەرمانی لە کەرتی غەززە و زۆربەی نەخۆشخانەکانی ئەم ناوچەیە تەنیا بەشێکی بچووکیان هێشتا دانەخراوە و چالاکی دەکات.
