بەردەوامیی جەنایەتەکانی ڕژێمی زایۆنی لە غەززە
ئاب 05, 2025 20:49 Asia/Tehran
لە پەلامارەکانی ٢٤ کاتژمێری ڕابردووی ڕژێمی زایۆنی بۆ سەر غەززە ٨٧ کەس شەهید بوون و ٦٤٤ کەسی دیکەیش بریندار.
فڕۆکە جەنگییەکانی ڕژێمی زایۆنی سەرلەبەیانی ئەمڕۆ خێوەتەکانی ئاوارەکانیان لە ئۆردوگایەکی خان یونس و ئۆردوگای نوسەیرات دایە بەر پەلامار کە ئەو پەلامارانە شەهید بوونی ژمارێک لە خەڵکی مەدەنی لێکەوتەوە. ئیستایش هەر ژمارێکی زۆر لە قوربانیان لە ژێر داروپەردوودا ماونەتەوە و لەبەر بەردەوامبوونی بۆدرومانەکان دەستی هێزەکانی فریاگوزاریشیان ناگاتێ. ژمارێکی زۆر لە بنکەکانی دابەشکردنی یارمەتیی مرۆڤدۆستانە و ژمارێکیش لەبەر برسێتی شەهیدبوونە. بە بەردەوامیی دەسدرێژییەکانی ڕژێمی زایۆنی بۆ سەر کەرتی غەززە، ژماری گشتیی شەهیدەکانی ئەم ناوچەیە لە ٧ی ئۆکتۆبری ٢٠٢٣ـەوە تا ئێستا هەڵکشاوە بۆ ٦١ هەزار و ٢٠ کەس.
