بزووتنەوەی خۆڕاگری ئیسلامیی فەلەستین حەماس، لە بەیاننامەیەک دا پەلاماری ئەمریکا و هاوپەیمانیانی بۆسەر سوریای بە دەستدرێژکاری ئاشکرا بە دژی ئوممەتی ئیسلامی و عەرەبی زانی .

بەپێی ڕاپۆرتی ناوەندی زانیاری گەیاندنی فەلەستین،  سامی ئەبووزوهری  وتەبێژی بزووتنەوەی موقاومەی ئیسلامیی فەلەستین (حەماس) لەم بەیاننامەیەدا وێڕای  ئیدانەکردنی پەلاماری ئەمریکا  و هاوپەیمانانی  بۆسەر خاکی سوریا پێداگری کرد  :  ئامانج لەم دەستدرێژکارییە  لاوازکردنی دەسەڵات لە سوریا، بەمەبەستی  پاراستنی  ڕژێمی دەستدرێژکاری زایۆنیستی و بەرەوپێش بردنی  گەڵاڵە وەیشتوومەکانی ئەم ڕژێمەیە.

وتەبێژی حەماس  وتیشی:  ئێمە لەسەر پێویستی کۆتایی دان بە ناکۆکی و کێشەی نێوان وڵاتانی  عەرەبی ، یەکێتی ئەوان، وەلانانی  هەرچەشنە تێکهەڵچوون و شەڕێک، بەهێزکردنی  تواناییەکان و ڕێزگرتن لە خواست و ورەی یەکتر وەک هۆکاری بنەڕەتیی بەرەنگار بوونەوەی هەرچەشنە پەلامار و دەستدرێژکارییەکی ئەگەری، پێداگری دەکەین.

ئەمریکا بە بەشداریی فەرەنسا و بەریتانیا بەیانی ئەمڕۆ  شەممە بە بیانووی پەلاماری شیمیایی  لە ناوچەی دووما لە دەوبوورەی  دیمەشق و تۆمەتبار کردنی  دەوڵەتی سوریا لەم پەلامارە  ئیدیعا کراوەیە، بێ مۆڵەتی  ئەنجومەنی ئاسیاشی  ڕێکخراوی نەتەوەکان، پەلاماری سەربازی کردەسەر ئەم  وڵاتە.