شادمانی خەڵکی لوبنان بە دوای سەرکەوتنی بەربژارەکانی موقاوەمە و هاوپەیمانانی ئەوان لە هەڵبژاردندا
راپۆرت لە لوبنانەوە باسی سەرکەوتنی بەربژارانی موقاوەمە و هاوپەیمانانی ئەوان دەکەن لە هەڵبژاردنی پەرلەمانیی ئەم وڵاتەدا .
بە گوێرەی راپۆری هەواڵدەریی فارس بە گێڕانەوە لە کەناڵی مەیادین ، هەموو بەربژارانی لیستی «الامل و الوفاء» ( سەر بە موقاوەمە ) لە سێ بازنەی باشووری لوبناندا سەرکەوتووونە .
حزبوڵڵا و بزووتنەوەی ئەمەل لەم هەڵبژاردنەدا لیستێکی هاوەشیان خستەڕوو بە ناوی «الامل و الوفاء».
نیهاد مەشنووق وەزیری نێوخۆی لوبنان ، سەرلەبەیانی دوشەممە ئاستی بەشداری کردنی جەماوەر لە هەڵبژاردنی پەرلەمانیی ئەم وڵاتەی سەتی 49.2 راگەیاند .
لەم هەڵبژاردنەدا کە رۆژی رابردوو یەکشەممە بەڕێوەچوو ، 583 بەربژار لە چوارچێوەی 77 لیست دا ئامادە بوون . لە نێو 583 بەربژاردا 128 کەس رێ دەبەنە نێو پەرلەمان .
لوبنان سیستمی پەرلەمانیی هەیە و پێکهاتەی پەرلەمان حکومەتی داهاتوو دیاری دەکات .
