درەنگانی شەوی ڕابردوو فڕۆکە جەنگییەکانی تورکیا بۆردوومانی ناوچەی سیدەکانیان کرد.

 بە گوێرەی ئەو زانیارییانەی کە دەست میدیای SNN کەوتووە، فڕۆکەکانی تورکیا کاتژمێر یەکی بەرەبەیانی شەوی رابردوو گوندەکانی چیای زراران و گەرووی کایەڕەشک-یان لە سنووری سیدەکان بۆردوومان کردووە.

شایەتحاڵان باس لەوەدەکەن، بەهۆی بۆردوومانەکەوە ترس و دڵەڕاوکێ لای دانیشتوانی ناوچەکە دروست بووە و ناوچەکەیان جێهێشتووە.

هه‌ردوو ئۆپراسیۆنەکانى چنگى هه‌ڵۆ و چنگى پڵنگ له‌ ئێستادا له‌لایه‌ن تورکیاوه‌ بە هۆی بوونی پەکەکە لە ناوچەکە، له‌ناو خاکى هه‌رێمى کوردستان به‌ڕێوه‌ده‌برێن و تا ئێستا ژمارەیێک هاووڵاتی مەدەنی بوونەتە قوربانی و دەیان گوندیش چۆڵ کراون، جگە لەوەی زیانێکی زۆری بە رەز و باخ و سروشتی ناوچەکان گەیاندووە.