میری قەتەر بە پێداگری لەسەر ئەوەی کە ئەنجومەنی ئاسایشی نەتەوە یەکگرتووەکان دەبێ ئەرکی خۆی سەبارەت بە کۆتایی هێنانی شەڕی دڕندانەی دژ بە غەززە بەجێ بێنێ، وتی: هەموو بەها ئایینی، ئەخلاقی و مرۆییەکان بە جەنایەتە دژەمرۆییەکانی ئیسراییل بنپێکراون.

شێخ تەمیم بن حەمد لە ڕێ و ڕەسمی کۆبوونەوەی سەرانی ئەنجومەنی هاوکاریی کەنداوی فارس لە دۆحە، دیسان وەبەر پەلاماردرانی خەڵکی مەدەنی لە لایەن ڕژێمی زایۆنییەوە لە غەززەی شەرمەزار کرد و پێی داگرت لەسەر پێویستیی پارێزرانی شاروومەندانی سیڤیل.

شێخ تەمیم بن حەمد بە پێداگری لەسەر ئەوەی کە داگیرکەرانی زایۆنی بۆ دەسدرێژی کردنەسەر غەززە بە مافی بەرگری لە خۆیان پاسا دەدەنەوە، لە کاتێکدا کە مافی بەرگری لە خۆ لە کاتی داگیرکاریدا مانای نییە، وتیشی: جێی شەرمەزارییە کە کۆمەڵگای جیهانی ڕێگا بە ڕژێمی زایۆنی دەدات بۆ ئەنجام دانی ئەم جەنایەتە دژەمرۆییانە.

میری قەتەر هەروەها خوازیاری لێکۆڵینەوەی نێودەوڵەتی بوو سەبارەت بە جەنایەتەکانی داگیرکەرانی زایۆنی لە غەززە.