حەسەن عیزەدین، نوێنەری باڵای حیزبوڵڵا، بە ئاماژەدان بەوەی کە خۆڕاگری خاڵی بەهێزی لوبنان بووە و ئەم وڵاتەی لە شەڕی داگیرکەران رزگار کردووە، گوتی: “دوژمنی ئەمریکی-زایۆنیستی ئەوەی کە لە کاتی شەڕدا نەیتوانی بەدەستی بێنێت، بە فێڵبازییە سیاسییەکانیش بەدەستی ناهێنێت.”

حەسەن عیزەدین، نوێنەری فراکسیۆنی وەفاداری بە خۆڕاگری لە پەرلەمانی لوبنان، لە وەڵامی پیلانەکانی ئەمریکی-زایۆنیستی بۆ خستنە ژێر گوشاری لوبنان بۆ وەرگرتنی خاڵ و ئیمتیاز لەم وڵاتەدا رایگەیاند: “ئەمریکا دەیەوێت نەک تەنها بەسەر ناوچەکەماندا زاڵ بێت، بەڵکو بەسەر تەواوی جیهاندا زاڵ بێت، بەڵام لە گەیشتن بە ئامانجەکانی سەرکەوتوو نابێت.”
حەسەن عیزەدین وتیشی: “گۆڕانکارییەکانی ناوچەکەمان بەو ئاراستەیەدا ناڕۆن کە ئەمریکا و رژێمی داگیرکەری زایۆنیستی دەیانەوێت و ناتوانن بەسەر ناوچەکەماندا زاڵ بن. ئەوان ئەوەی کە لە گۆڕەپانی شەڕدا نەیانتوانی بەدەستی بێنن، هەرگیز لە گۆڕەپانی سیاسیدا لە رێگەی فێڵبازی و گوشارە ناوخۆیی و دەرەکییەکانەوە بەدەستی ناهێنن. خۆڕاگری لە لوبنان بەشێکی دانەبڕاوە لە گەلی ئەم وڵاتە، چ لە ناسنامە و کلتووردا بێت، چ لە رەفتار و ژیانی رۆژانەی ئەم خەڵکەدا.”