بنەماڵەی مام جەلال داوای گۆڕانکاری لە پۆستە ئەمنییەکانی سلێمانی دەکەن
بافڵ تاڵەبانی و قوباد تاڵەبانی جێگری سە‌رۆکی حکومەتی هەرێم لەگەڵ فە‌رماندە‌کانی ھێزە‌کانی 70 و فە‌رماندە‌ی دژە تیرۆر کۆبونەوە و داوای ئەوەی گۆڕانکارییان لە پۆستە ئەمنییەکان کردووە.
بە پێی ڕاپۆرتی میدیاکانی هەرێم، دوای ئەوەی هواڵی کێشەی نێوان لاهور شێخ جەنگی و بافڵ تاڵەبانی دوو ئامۆزای هاوسەرۆکی یەکێتی نیشتیمانی کوردستان ماوەیەکە ڕۆژەڤی ڕاگەیاندنەکانە، نوسینگەی راگەیاندنی جێگری سە‌رۆکی حکومەتی هەرێم بڵاویکردەوە، بافڵ تاڵەبانی و قوباد تاڵەبانی جێگری سە‌رۆکی یٔە‌نجومە‌نی وە‌زیران یەکشەممە لەگەڵ مستە‌فا چاو ڕە‌ش و فە‌رماندە‌کانی ھێزە‌کانی 70 کۆبونەوە.
ئەوەش هاتوە، دواتریش سە‌ردانی دە‌زگای دژە تێرۆریان کرد و پیرۆزباییان لە دە‌ستبە‌کاربونی وە‌ھاب ھە‌ڵە‌بجە‌یی کرد وە‌ک فە‌رماندە‌ی دژە تێرۆر.
ئێوارەی دوێنێ قوباد تاڵەبانی لەسلێمانی سە‌رپە‌رشتی کۆبونە‌وە‌یە‌کی ئە‌منی کرد و ئە‌ژی ئە‌مینی وە‌ک سە‌رۆکی دە‌زگای زانیاری ناساند. داواشی لە لایە‌نە ئەمنییەکان کرد کە ئە‌رکی ئە‌وانە بەر‌دە‌وامبن لە پاراستنی ئارامی و ئە‌و ھە‌ماھە‌نگییە‌ی کە ھە‌یە پتە‌وتر بێت و بە‌ردە‌وامی پێبدە‌ن.
ئاماژە‌ی بە‌وە‌شدا ئە‌و لایە‌نە ئە‌منییانە نابێت بە‌ھیچ شێوە‌یە‌ک دە‌ستوە‌ردە‌نە کاروباری سیاسی بە‌ڵکو دە‌بێت دڵنیایی بە‌ھاوڵاتییان بدە‌ن لە سە‌قامگیری ئارامی.
