دەستەی کۆمیساریای کۆمیسیۆنی باڵای هەڵبژاردنەکانی پەرلەمانی عێراق ڕایگەیاند: هەژماری کورسییەکانی پەرلەمانی کوردستانی عێراق سەبارەت بە خولی دواتر بە لەبەرچاوگرتنی کورسییەکانی کەمینەکان دەگاتە ١٠٠ کورسی و هەرێمی کوردستان لە هەڵبژاردنەکانی داهاتووی پەرلەمانی کوردستان دابەش دەکرێ بە چوار ناوچەی هەڵبژاردەیی.

بە پێی بڕیاری کۆمیسیۆنی باڵای هەڵبژاردنەکانی پەرلەمانی عێراق، کۆی کورسییەکانی پەرلەمانی کوردستان ١٠٠ کورسییە کە ٩٥ کورسی لە دەستی پارتەکاندایە و پێنج کورسیش تەرخان دراوە بە کەمینە تورکمان و کریستیانەکان. هەروەها چۆنیەتیی دابەش کرانی کورسیی کەمینەکان لە نێوان پارێزگاکاندا بە شێوەیەکە کە دوو کورسیی کەمینەی تورکمان و کریستیان بۆ پارێزگای سلێمانی، دوو کورسیی دیکەی کەمینەی تورکمان و مەسیحیش بۆ پارێزگای سلێمانی، دوو کورسیی دیکەی کەمینەی تورکمان و مەسیحیش بۆ هەولێر و کورسییەکی کەمینەی کریستیانیش تایبەت بە پارێزگای دهۆک دەبێ.

کۆمیسیۆنی هەڵبژاردنەکان هەروەها ڕایگەیاندووە کە بۆ هەڵبژاردنەکانی بەردەم هەرێمی کوردستان بە چوار ناوچەی هەڵبژاردەیی دابەش دەکرێ، چۆنیەتیی دابەشکرانی کورسییەکان بە سەرنجدانی ناوچەی هەڵبژاردەییش بەو شێوەیە؛ هەولێر ٣٤ کورسی، سلێمانی ٣٨ کورسی، دهۆک ٢٥ کورسی و هەڵەبجە ٣ کورسی پێ تەرخان دراوە.