SAHAR

ڕاوێژکاری سەرۆکی هەرێمی کوردستان بۆ کاروباری سەربازی، دەڵێ؛ ئەو کردەوانەی پەکەکە دەیکات لە بەرژەوەندی هیچ لایەک نییە و جێگەی قبووڵکردن نییە.

بابەکر زێباری وتی: کردەکانی پەکەکە جێی قەبووڵکران نیەو ئەوەی دەیکات بەڵگەیە لەوەی نایانەوێت بچنە ژێر فەرمانی عەبدوڵڵا ئۆجەلان.

وتیشی: کردەکانی پەکەکە زەرەر بە خۆی دەگەیێنێت، هەر بۆیە پێویستە سنوورێک بۆ پەکەکە دابندرێت و نابێت ڕێگە بدرێت چیتر درێژەیی پێ بدات.

بابەکر زێباری ئاماژەی بەوەش کرد، پەکەکە دەیەوێت ئاسایشی هەرێمی کوردستان تێکبدات، هەربۆیە ناچار دەبێت بچێتە ژێر فەرمانی عەبدوڵڵا ئۆجەلان و جگە لە پڕۆسەی ئاشتی هیچ بژاردەیەکی دیکەی نییە.