ئەندامی دەستەی کارگێڕیی مەکتەب سیاسیی پارتی دیموکراتی کوردستانی عێراق وتی: ئەو پارتە لە بەربژارەتیی بافڵ تاڵەبانی بۆ پۆستی سەرۆک کۆماریی عێڕاق داکۆکی دەکا.

"هۆشیار زێباری" ئەندامی دەستەی کارگێڕیی مەکتەب سیاسیی پارتی دیموکراتی کوردستانی عێراق وتی: سەرباری پشتگریی پارتی لە بەربژارەتیی بافڵ تاڵەبانی، کێشەگەلێکی وەک؛ شارەزایی کەمی لەسەر زمانی عەرەبی و بڕوانامەی خوێندن، ڕێگرە لەبەردەم وەرگیرانی لەلایەن لایەنە عێڕاقییەکانەوە.

زێباری وتیشی: پێش بەڕێوەچوونی هەڵبژاردنەکان، لەگەڵ یەکێتی نیشتمانیی کوردستاندا گەیشتبووینە ئەنجامێکی شیاو بەڵام ئەوان کاتیان بەفیڕۆ داو ئێستا بارودۆخ گۆڕاوەو ئێمە بەجیا لەبارەی پرسی پێکهێنانی کابینەی هەرێمی کوردستان و حکومەتی عێراق، وتووێژ دەکەین.