تاڤگەی لاتۆن (بارز-ئۆو) لە ئاستارادا
تاڤگەی لاتۆن کە بە زمانی تاڵشی «بارز-ئۆو» پێی دەوترێت، دەکەوێتە گوندی کۆتە کۆمەی سەر بە باژاری لەڤەندێڤیلی سەر بە شارستانی ئاستارای گیلان.
بەرزیی تاڤگەی لاتۆن نزیکەی ١٠٥ مترە و وەکوو تاڤگەی هەرە بەرزی ئێران دەژمێردرێت. مەودای نێوان گوندی کۆتە کۆمە تا تاڤگەی لاتۆن نزیکەی ٦ کیلۆمترە و لە کۆتای ڕێگاکە هەندێک هەڵدێری مەرگهێنەر و مەترسیداری هەنە. لەسەر ڕێگای هەڵکشانەوەی بۆ تاڤگەی تالۆن دەگەینە گوندێکی کۆنی چۆڵ بە ناوی «ئاسیو شوان»؛ لە زمانی تالشیدا «ئاسیو» بە واتای «ئاش» و «شوان» بە واتای «کەناری ڕووبار»ە.
لە لێواری تاڤگەی لاتۆندا یەکێک لە جوانترین، چڕترین و پاکترین دارستانەکانی پارێزگای گیلان هەڵکەوتووە کە جۆرە دارەکانی وەکوو گوێز، فندق و سێوی کێوی تێدایە؛ هەروەها ئاژەڵە جۆرواجۆرەکانی وەکوو گورگ، بەراز، ورچ (بە دەگمەن دەبینرێت)، ژیشک (ژووژی)، ئەسپ، مانگا و هتد لە دەوروبەری ئەم تاڤگەیەدا دەبینرێن.
تاڤگەی لاتۆن لە داوێنەکانی چیای سپیناسەوە سەرچاوە دەگرێت و دەرژێتە ناو ڕووباری لەڤەندیڤیل کە خۆی لەو چیایەوە سەرچاوە دەگرێت و درێژییەکەی نزیکەی ١٧ کیلۆمترە و لە کۆتاییدا دەگاتە دەریای کاسپیەنەوە.
