یەکێتیی جیھانیی زانایانی موسڵمان وێڕای ئیدانەکردنی ڕێککەوتنی ئاسایی بوونەوەی پەیوەندییەکانی نێوان میرنشینە یەکگرتووە عەرەبییەکان و ڕژێمی زایونی، ئاوا ھەنگاوێکی بە خیانەتێکی گەورە زانی.

دوابەدوای ھەوڵە بێ وچانەکانی «دۆناڵد ترەمپ»ی سەرۆک کۆماری ئەمریکا بۆ بەستێن خۆش کردن لە ئاراستەی ئاسایی بوونەوەی پەیوەندیی نێوان میرنشینە یەکگرتووە عەرەبییەکان و ڕژێمی زایونی ،ھەردووک لا ڕۆژی پێنج شەممە ڕەزامەند بوون بە واژۆکردنی  ڕێککەوتننامەیەک بۆ ئاسایی کردنەوەی تۆکمەوتەواوی پەیوەندییە دیپلۆماسییەکانیان.

بە پێی ڕاپۆرتی قودسولعەرەبی، یەکێتیی جیھانیی زانایانی موسڵمان ئەمڕۆ ھەینی بە بڵاوکردنەوەی بەیاننامەیەک پێی داگرت:ڕێککەوتنی «ئەبوزەبی» لەگەڵ «تەلەبیب» بە واتای خەڵاتێکی گەورەیە بۆ دڕندەکارییەکانی ڕژێمی داگیرکەری زایونی و ھەنگاوێکی دژی مافی فەلەستینییەکانە.

یەکێتیی جیھانیی زانایانی موسڵمان وێڕای ئاماژە کردن بەمەی کە ئەم خەیانەتە ھیچ لە مکوڕبوونی ئوممەتی ئیسلامی کەم ناکاتەوە، داوای لە ئوممەتی ئیسلامی کرد کە بۆ داکۆکی کردن لە فەلەستین و مافی خەڵکەکەی ھەڵوێستێکی لێبڕاوانە بگرێتە بەر.