قاسمی: دەرکرانی کەسانی هەلخواز لە بینای پێشووی باڵوێزخانەی ئێران لە بۆنی ئاڵمان
ئادار 17, 2018 15:34 Asia/Tehran
وتەبێژی وەزارەتی دەرەوەی ئێران ڕایگەیاند، کەسانی هەلخواز کە لەنێو بینای باڵوێزخانەی پێشووی کۆماری ئیسلامی لە شاری بۆنی ئاڵمان نیشتەجێ ببوون، دەرکران.
بەهرام قاسمی وتەبێژی وەزارەتی دەرەوەی ئێران وتی: بە پێوشوێن گرتنەکان و هاوکاریی پۆلیسی ئاڵمان، کەسانێک کە لەڕۆژانی ڕابردوودا بەشێوەی نایاسایی چووبوونە نێو بینای باڵوێزخانەی پێشووی ئێران لە شاری بۆن و لەوێ نیشتەجێ ببوون، دەرکان و ئەو باڵەخانەیە ڕادەستی سەرکۆنسولی کۆماری ئیسلامیی ئێران لە فرانکفۆرت کرا.
بەقسەی وتەبێژی وەزارەتی دەرەوەی ئێران، چوار کەس لە کەسانی هەلخواز و سەرکێش بەقۆستنەوەی هەلی چۆڵ بوونی بینای پێشووی ئێران لە چەند ساڵی رابردوودا، چەند ڕۆژێک بێ ئیزن و بەشێوەی نایاسایی تێیدا مابوونەوە.
