دیداری وەزیرانی بەرگریی ئێران و چین لە پێکەن
وەزیری بەرگریی ئێران وتی : کوماری ئیسلامیی ئێران لە هیچ هەوڵێک بۆ دامەزراندنی ئاشتی سەقام و ئاسایش لە ناوچەکە درێغی ناکات.
بە گوێرەی ڕاپۆڕتی ئیرنا ، ئەمیر سەرتیپ ئەمیر حاتەمی وەزیری بەرگریی ئێران ڕۆژی هەینی لە دیداریدا لە گەڵ " وی فنگ هێ " وەزیری بەرگریی چین لە پێکەن وێڕای ئاماژە بە ڕووداوەکان و گۆڕانکاریەکان لە ناوچەی ڕۆژئاوای ئاسیا جەختی کرد : ئاسایش یەکپارچە یە و ئاڵۆزیەکان لە ناوچەی ڕۆژئاوای ئاسیا نە تەنیا دەڤەری خۆی بەڵکوو ناوچەکانی دیکەی جیهانیش دەخاتە ژێر کاریگەریەوە . سەرتیپ حاتەمی وێڕای ڕەخنە گرتن لە کردەوەی یەکلایەنە خوازانەی ئەمریکا و پێشێلکرانی پەیتاپەیتای یاسا نێونەتەوەییەکان لە لایەن ئەو وڵاتەوە وتیشی : کردەوەی ئەو وڵاتە بنپێکرانی ئاشتی و سەقامی جیهانیە . وەزیری بەرگریی ئێران هەروەها وێڕای ئاماژە بە هاوبەشیە مێژوویی و فەرهەنگیەکانی چەن هەزارساڵەی هاوکاریە دوولایەنەکانی ئێران و چین ، ئەو بارستاییگەلەی بە بوارێکی شیاو بۆ پەرەی هاوکاریی دوو وڵات زانی و وتی : دوو وڵات خاوەنی بەرژەوەندی و هەڕەشەگەلی هاوبەشن و دەتوانن لەو چوارچێوەیەدا هاوکاریەکانی خۆیان پەرە پێی بدەن . وەزیری بەرگریی چینیش وتی: پێکەن بەردەوام لاگریی کردووە لەپەرەی هاوکاریە دوو لایەنەکان لە گەڵ ئێران . بە پێی ئەو ڕاپۆڕتانە وەزیرانی بەرگریی ئێران و چین سەبارەت بە پرسە کانی هاوکاریی بەرگریکارانە و سەربازیی دوو لایەنە بیروڕایان گوڕیوەتەوە . وەزیری بەرگریی ئێران بە بانگهێشتی وەزیری بەرگریی چین بۆ بیروڕا گۆڕینەوە سەبارەت بە پەرەی هاوکارییەکانی دوو وڵات لە سەرووی شاندێکی پلە بەرزی بەرگری سەردانی چینی کردووە .
