پەسەن کرانی گەڵاڵەی بەرەنگاربوونەوەی کردەوەی ئەمریکا دژی سپای پاسداران لە کومیسیونی ئاسایشی نیشتمانی مەجلسی ئێران
وتەبێژی کومیسیونی ئاسایشی نیشتمانی و سیاسەتی دەرەوەیی مەجلسی شورای ئیسلامی ئێران باسی کرد لە پەسەن کرانی گەڵاڵەی کردەوەی بەرانبەر لە هەمبەر بە تڕوڕیست زانینی سپای پاسداران لە لایەن ئەمریکاوە لەو کومیسیونەدا .
عەلی نەجەفی خوشڕوودی ڕۆژی دووشەمە لە وتووێژێکدا لە گەڵ ئیرنا وتی : لە دانیشتنی ئەمڕۆ دووشەمە ، گەڵاڵەی کردەوەی بەرانبەر لە هەمبەر بە تڕوڕیست زانینی سپای پاسداران لە لایەن ئەمریکاوە کە بۆ لێکدانەوەی زۆرتر لە لایەن مەجلسی ئێران ڕادەستی کومیسیونی ئاسایشی نیشتمانی و سیاسەتی دەرەوەیی کرا بوو بە چاکسازیگەلێک پەسەن کرا . نەجەفی خوشڕوودی وتیشی : بە پێی ئەو گەڵاڵەیە هێزە سەربازیەکانی ئەمریکا لە ناوچەی ڕۆژئاوای ئاسیا ناسراو بە " سنتکام " و ڕێکخراوەکان و یان دامەزراوەکانی ژێر کونتڕوڵی ئەو فەرماندەریەتیە بە تێڕوڕیست پێناسە دەکرێن و دەوڵەتی ئێران ئەرکمەندە لە چوارچێوەی پەسەنکراوەکانی ئەنجومەنی باڵای ئاسایشی نیشتمانی لە هەمبەر کردەوەکانی تڕوڕیستی هێزە ئەمریکاییەکان کە بەرژەوەندیەکانی ئێران دەخەنە مەترسیەوە کردەوەگەلی بەرانبەر و شێلگیرانە بە پێی ئەو یاسایە ئەنجام بدەن . وتەبێژی کومیسیونی ئاسایشی و سیاسەتی دەرەوەیی مەجلسی شورای ئیسلامی ئێران وەبیریشی هێنایەوە کە هەروەها لەو گەڵاڵەیەدا وتراوە کە دەوڵەتی ئێران و هێزە چەکدارەکانی ئەو وڵاتە ئەرکمەندن لە کاتی پێویست بە کردەوەی پێویست و ئاگادارانە بە جۆرێک هەنگاو هەڵبگرن کە هێزە ئەمریکیەکان نەتوانن لە هەرجۆرە توانایی و ئیمکانێک دژی بەرژەوەندی کۆماری ئیسلامی ئێران کەڵک وەربگرن . نەجەفی خوشڕوودی وتیشی : گەڵاڵەی تەمێ و سزادانی وڵاتانی هاوکاری ئەمریکا بۆ سەپاندنی بایکوت بە سەر ئێران لە لایەن ژومارێک لە نوێنەرانی مەجلس پێشکەشی کومییسون کراوە و لە کومیسیوندا بۆ لێکدانەوەی زیاتر درا بە ئەنجومەنی پەیوەندی دەرەوەیی کومیسیونی ئاسایشی نیشتمانی و سیاسەتی دەرەوەی مەجلیس .