بەرپەرچدانەوەی هێرشی تەکفیریەکان لە باشووری "مووسڵ"ی ئێراق
سەرچاوە ئێراقیەکان باسیان کرد لە بەرپەرچدانەوەی هێرشی تەکفیریەکان لە باشووری مووسڵ"ی وڵاتەکەیان و کوژرانی بەرپرسی پەروەردەو فێرکاری ڕێکخراوی تێرۆریستی داعش لە تەلەعفەر ی باکووری ئێراق
بە گوێرەی ڕاپۆڕتی بنکەی هەواڵیی ئەلنەهرەین ، ڕائید شاکر جودەت سەرۆکی پولیسی ئێراق ڕایگەیاند هێزەکانی پولیس لە ناوچەی ئەلعەریج لە باکووری حەمام ئەلعەلیل لە باشووری شاری مووسڵ ، ڕۆژی یەکشەمە توانیان پەلاماری تێرۆڕیستانی داعشی بەرپەرچ بدەنەوە .
سەرۆکی پۆلیسی ئێراق وتیشی لە ئوپراسیونی ئەمڕۆی پولیسی ئێراق لە باشووری مووسڵ چوار داعشی کوژران و تەکفیریە کانی دیکە ش بەرەو گوندەکان و تەپۆڵکەکان هەڵاتن . هەروەها دەزگەی خەبات بە دژی تێڕۆڕیزمی ئێراق باسی کرد لە کوژرانی " عەلی ڕەزا مەحموود " بەرپرسی ئەو شتەی دیوانی پەروەردە و فێرکاری داعش ناودێر کراوە لە پەلاماری ئاسمانی هێزە ئێراقیەکان بۆ سەر تەلعەفەر لە ڕۆژئاوای مووسڵ . لە هەمان حاڵدا دامەزراوەی خەبات بە دژی تێڕۆڕیزمی ئێراق ئەمڕۆ ڕایگەیاند داعشیەکان سێ کەسی سیڤیلیان لە گەڕەکی چاکسازی کشت و کاڵ لە کەرتی ڕاستی مووسڵ کاتی هەڵاتن لە چنگ ئەو تاقمە تێرۆڕیستیە کوشت . مووسڵ لە پارێزگای نەینەوا لە ژوئەنی 2014 وە لە چنگی تاقمی تێرۆڕیستی داعش بوو کە ڕۆژهەڵاتەکەی لە نیوەکانی ژانویەی 2017 ڕزگار کرا و هێزە ئێراقیەکان لە شەڕ بە دژی تێڕۆڕیستانی خەریکی ڕزگار کردنی ڕۆژئاوای مووسڵن .
