داعش بەرپرسایەتی تەقینەوە لە ناوچەی کەڕادەی گرتە ئەستۆ
تاقمی تێڕۆڕیستی داعش بەرپرسایەتی تەقینەوە لە ناوچەی کەڕادەی بەغدای گرتە ئەستۆ .
بە گوێرەی ڕاپۆڕتی هەواڵدەریی مێهر و بە گێڕانەوە لە ئەلمەیادین گرووپی تێڕۆڕیستی داعش لە بەیاننامەیەکدا بەرپرسایەتی پەلامار بۆ سەر ناوچەی کەڕادەی بەغدای گرتە ئەستۆ . سەرچاوەیەک لە پولیسی ئێراق باسی کرد لە تەقینەوەی تڕوموبیلێکی بۆمب ئاخنکراو لە ناوەندی بەغدای پێتەختی ئێراق . ئەو سەرچاوەیە ڕایگەیاند کە ئەو تڕوموبیلە بۆمب ئاخنکراوە شەوی سێشەمە لە ناوچەی کەڕادە هەڵکەوتوو لە ناوەندی بەغدا تەقیەوە. ئەو تەقینەوەیە بووە هۆِی کوژرانی 11 کەس و بریندار بوونی 47 کەس دیکە بۆ وێنە چەن ژن و منداڵ وێڕای ئەوەی کە خەسارێکی زۆر درا لە ناوەندەکانی نزیکی تەقینەوەکە و ژۆمارێکی زۆر لە تڕوموبیلەکانی شاروومەندانیش تووشی ئاگر کەوتنەوە بوون . لە هەمان حاڵدا سەرچاوەیەکی ئاسایشی باسی کرد لە زۆر کردنی ڕێ و شوێنی ئاسایشی لە ناوچە جۆراوجۆرەکانی بەغدا بە دوای تەقینەوەی کەڕادە . ئەو سەرچاوەیە هەروەها وتی کە هێزەکانی ئاسایشی ڕێ و شوێنی ئاسایشی خویان توندتر کردووەتەوە .
