دوهەمین کۆنفڕانسی ئاسایشیی تاران ئەمڕۆ بە ئامادەبوونی کاربەدەستانی سیاسی ، ئاسایشی و توێژەرانێک لە 49 وڵاتی جیهانەوە لە تاران دەست بە کار بوو .

 بە پێیی راپۆرتی هەواڵدەریی سەداوسیما ، تاووتوێ کردنی " ئاسایشی ناوچەیی لە رۆژاوای ئاسیا ، رەوت و کێشە تازە سەرهەڵداوەکان " و کێشە ئاسایشیەکانی رۆژاوای ئاسیا تەوەری دوهەمین کۆنفڕانسی ئاسایشیی تارانە.

لێکدانەوەی دەوری ئێران ، دەورگێڕانی ناوچەیی وواوە ناوچەیی لە سیستمی ئاسایشیی رۆژاوای ئاسیا ، دەوری گەشەی ئابووری لە ئاسایشی ئەم ناوچەیەدا ، هاریکاریی بەرگریی و ئاسایشی و ڕۆڵی بەرەی خۆڕاگریی لە ئاسایشی ناوچەی رۆژاوای ئاسیا لە بابەتەکانی دیکەی ئەم کۆنفڕانسەن .