رۆحانی: ئەمریکا ، وڵاتێکی ترۆریست و جەنایەتکار
سەرۆکی کۆماری ئیسلامیی ئێران بەئاماژە بە بایکۆتی کەم وێنەی ئەمریکا لەدژ گەلی ئێران، وتی: ئەمریکا وڵاتێکی جەنایەتکار و ترۆریستە.
"حەسەن رۆحانی" سەرۆکی کۆماری ئیسلامیی ئێران رۆژی سێ شەممە هاوکات لەگەڵ رۆژی جیهانیی کەسانی خاوەن پێداویستیی تایبەت، لە دیدارلەگەڵ ژمارێک لە کەمئەندامان لەتاران وتی: ئەمریکا بە سەپاندنی ئابلۆقەی کەم وێنە کە بەدانپێدانانی خۆیان قورسترین گوشاری ئابوری بوو، دەیویست گەلی ئێران بەچۆکدا بێنێ.
رۆحانی وتیشی: خەڵکی ئێران سەرباری هەموو زەخت وگوشاری ئابوریی قورس و بایکۆتی نادادگەرانە، مەزنایەتی خۆیان پاراست و بەخۆڕاگری و تەحەمول کردنی دژواریەکان، بارودۆخی دژواریان وەپشت سەرنا و سەرکەوتن.
سەرۆکی کۆماری ئیسلامیی ئێران بەئاماژە بەوەی کە بەخۆڕاگریی گەلی ئێران، ئەمڕۆ بارودۆخ بەجۆرێکە کە ئەوان خۆیان لەهەوڵدان وتووێژ و دانوستان بکەن و پەیامی تایبەتی دەنێرن، وتی: ئەو پەیام و داواکارییانەی بەشێوەی تایبەتی دەینێرن بۆ دانوستان کردن، بەپێچەوانەی ئەو دروشمانەیە کە بەشێوەی گشتی دێهێننە ئاراوەو ئوروپییەکانیش کە واسیتەن، ئەوانە دەزانن.
سێی دیسەمبەر لەلایەن ڕێکخراوی نەتەوەکان وەک رۆژی جیهانیی کەمئەندامان ناودێرکراوە.
