وەزیری نێوخۆی ئێران ڕایگەیاند: ھەموو ھەل و مەرجێک بۆ بەرپاکردنی ھەڵبژاردنێکی ڕێک و پێک و لەو پەڕی ئاسایشت و ھێمنایەتی و تەندروستی دا ئامادەیە.

بە پێی ڕاپۆرتی ھەواڵدئەریی ئێران پرێس، «عەبۆڕڕەزا ڕەحمانیی فەزلی» وەزیری نێوخۆی ئێران ڕۆژی دووشەممە لە پەراوێزی پانزەھەمین کۆبوونەوەی بنکەی ڕاپەڕاندنی بەرنگار بوونەوەی کۆرۆنا لە نێو ئاپۆڕەی پەیامنێران ڕایگەیاند: تەواوی دام و دەزگاکان لەوپەڕی ئامادە بووندان بۆ ئەوەی بە ڕەچاوکردنی تەواوی ڕێنماییە تەندروستیەکان لە ڕۆژانی بانگەوازی ھەڵبژاردن و خودی ھەڵبژاردنەکەش نەھێڵن ھەڵبژاردن وەکو بابەتێکی ھەرە گرینگ و جێژنێکی سیاسیی بەشداریی خەڵک ببێتە مەکۆیەک بۆ پەرەسەندنی و ھێزگرتنی نەخۆشیی کۆرۆنا.

سیانزەھەمین خولی ھەڵبژاردنی سەرۆک کۆمارەتیی ئێران ١٨ی ژوئەنی ٢٠٢١ بەرپا دەکرێت.