سەرۆکی ڕێکخراوی وزەی ئەتۆمیی ئێران: دەسکەوتەکانی پیشەسازیی ناڤۆکیی ئێران، دەگمەن و کەم وێنەن
سەرۆکی ڕێکخراوی وزەی ئەتۆمیی ئێران پێی داگرت: دەسکەوتەکانی پیشەسازیی ناڤۆکیی ئێران، دەگمەن و کەم وێنەیە.
عەلی ئەکبەر ساڵحی سەرۆکی ڕێکخراوی وزەی ئەتۆمیی ئێران رۆژی یەکشەممە لەڕێوڕەسمی خرانەگەڕی گەڵاڵەکانی وەزارەتی نەوت، و ڕێکخراوی وزەی ئەتۆمی، وتی: دەسکەوتەکانی پیشەسازیی ناڤۆکی دەگمەنەو ڕێکخراوی وزەی ئەتۆمی سەلماندی کە بەلانی زۆرەوە زیرەکیی پێویستی بووە لە دانوستانەکان و لە دەقی بەرجام(ڕێککەوتنی ئەتۆمی) دا.
سەرۆکی ڕێکخراوی وزەی ئەتۆمیی ئێران هەروەها وتی: ڕێکخراوی وزەی ئەتۆمیی ئێران جگە لە ئەنجامدانی پرۆژەگەلی ژێرخانی و مەزنی وەک گەشەپێدانی چەرخەی سوتەمەنی ناڤۆکیی ولات، گەشەپێدانی هێزگە ئەتۆمییەکانی بە دامەزراندنی یەکەی دوو و سێ لە هێزگەی ئەتۆمیی بوشەهر بە بەهای دە ملیار دۆلار لە سەرچاوە دراڤییەکانی حکومەتی دەسپێکرد.
ساڵحی، دامەزراندنی ناوەندی بەرهەمهێنان و گەشەپێدانی رادیۆ دەرمانەکانی ئێران(تێترا) و ناوەندی گەورەی یۆن دەرمانی سەرجەم بە بەهای ٣٥٠ملوێن یۆرۆ، لە دەسکەوتەکانی دیکەی بواری ناڤۆکیی ئێران راگەیاند.
