سەرکردەی ھێزی دەریایی ئەرتەش: سەرکەوتنی زۆرمان لە دۆخی بایکۆت دا بەدەست ھێنا
سەرکردەی ھێزی دەریایی ئەرتەشی کۆماری ئیسلامیی ئێران جەختی کرد: لە دۆخی بایکۆت دا سەرکەوتنی زۆرمان بەدەست ھێنا.
بەپێی ڕاپۆرتی ھەواڵدەریی ئێران پرێس،ئەمیری دەریادار «شەھرام ئێرانی» سەرکردەی ھێزی دەریایی ئەرتەشی کۆماری ئیسلامیی ئێران ئەمڕۆ سێ شەممە ڕایگەیاند: لە ھەل و مەرجی بایکۆت دا لە سێ بواری سەر ئاوو ژێر ئاوو ئاسماندا کەرەستەی ستراتژیی زۆرمان دەست خستووەو ھیوادارین بەم زووانەش پەردە لە سەر ماتۆڕی دەریایی تەواو خۆماڵی ھەڵدەینەوە.
سەرکردە ھێزی دەریایی ئەرتەشی کۆماری ئیسلامیی ئێران وتیشی: ھەڕەشەو بایکۆت قەت ڕێگر نییە لە بەردەم ئێرانییەکان و جەماوەری ئێران بەردەوام بە دەستەڵات و پشتبەستن بە توانایەکانی خۆیان لەمپەرەکانیان ھەڵگرتووە.
بە وتەی ئەمیری دەریادار «شەھرام ئێرانی» ، ئەرکی کۆپاپۆڕی حەفتاوپێنجەم ئەوەی دەرخست کە ھێزی دەریایی ئەرتەش لەوپەڕی ھێزمەندی و بڕوابەخۆبووندایە و دەستەڵاتی کۆماری ئیسلامیی ئێران لە ئاستی جیھاندا پیشان دەدات.
