سەرۆکی کۆگەی جیھانیی لێک نزیک بوونەوەی ئایینزا ئیسلامییەکان: کوردستان نمونەی ئاشکرای یەکگرتوویی ئیسلامیە
سەرۆکی کۆگەی جیھانیی لێک نزیک بوونەوەی ئایینزا ئیسلامییەکان وێڕای ڕاگەیاندنی بەرپاکرانی یەکەم کۆبوونەوەی ناوچەیی یەکگرتوویی ئیسلامی لە سنە وتی: کوردستان نمونەی ئاشکرای یەکگرتوویی ئیسلامیە.
بە پێی ڕاپۆرتی ھەواڵدەریی فارس، حوججەتولئیسلام وەلموسلمین «حەمید شەھریاری» بەرلەنیوەڕۆی ئەمڕۆ لە پرێس کۆنفرانسێکدا بەرپاکرانی کۆبوونەوەی ناوچەیی یەکگرتوویی ئیسلامی لە سنە دا وتی: ٣٦ کۆنفرانسی یەکگرتوویی ئیسلامی ھەر لە سەرەتای شۆڕشەوە ھەتا ئێستا بەرپا کراوەو پەیامی ئەو کۆنفرانسانە یەکگرتن و یەک ھێزمەند کردن لە جیھانی ئیسلام دا بوو.
وتیشی: ئەوە بۆ یەکەمجار کۆبوونەوەی ناوچەیی یەکگرتوویی ئیسلامی بە بەشداریی ھەرێمی کوردستان و سێ پارێزگای دراوسێی پارێزگای کوردستان لە ئێراندا بەرپا دەکرێت.
حوججەتولئیسلام وەلموسلمین «حەمید شەھریاری جەختی لەوەش کردەوە، ھەڵبژاردنی کوردستان بۆ بەرپاکردنی یەکەم کۆنفرانسی ناوچەیی یەکگرتوویی ئیسلامی، لە بەر جێ و شوێن و سەرمەشق بوونی ئەم پارێزگایە لە بواری یەکگرتنە، چونکو کوردستان لە ڕووی یەکگرتنی ئیسلامی و ھاوژینیی ھۆزو ئایینزا و ئایینە جۆربەجۆرەکانەوە بەردەوام سەرمەشق بووە.
شەھریاری وتیشی: کوردستان لەم بوارەدا بەردەوام لە لایەن وتاردەرانەوە وەک نمونە ھێنراوەتەوەو ئەو شەھیدانەی کە ئەم پارێزگایە پێشکەشی شۆڕشی ئیسلامییان کردووە لەو شەھیدە دیارانەن لە ئاستی نیشتیمانی دا.
