گەڕانەوەی تەرمی پاکی ٥٥ شەهیدی بەرگریی پیرۆز بۆ ئێرانی ئیسلامی
تەرمی پاک و پیرۆزیی ٥٥ شەهیدی بەڕێزی ھەشت ساڵ بەرگریی پیرۆز لە گەرمەی پێشوازیی خەڵکی ئیلام و لە ڕێگای سنووری میهران لە ڕۆژئاوای ئێران گەڕانەوە بۆ نێو خاکی متفەڕکی ئێرانی ئیسلامی.
بە پێی ڕاپۆرتی ئاژانسی هەواڵدەریی میهر، ئەمڕۆ تەرمی پاکی ٥٥ شەهیدی بەڕێزی سەردەمی بەرگریی پیرۆز لە ڕێگەی سنووری میهرانەوە گەڕایەوە بۆ نیشتیمانی ئیسلامی.
ڕێوڕەسمی پێشوازی و بەڕێکرانی شەهیدە نەمرەکانی سەردەمی بەرگریی پیرۆز بە ئامادەبوونی شکۆمەندانەی خەڵک و بەرپرسان لە تێرمیناڵی سنووریی میهران بەرەو ئەم شارە بەرپا کرا.
تەرمی پاک و پیرۆزی ئەم شەهیدانە لە ناوچەکانی دەڤەری ناوەڕاست لەوانە مەندەلی، سۆمار، زەرباتیە، قەڵاوێزان و بەدرە دۆزراونەتەوە.
سوپای دەستدرێژکاری ڕژێمی سەدام، دیکتاتۆری لەنێوچووی عێراق، ٢٢ی سپتامبەری ١٩٨٠، بە مەبەستی ڕووخاندنی حکومەتی تازەپێگەییشتووی کۆماری ئیسلامیی ئێران و بە هاوکاریی ھەمەلایەنە ئیستیکباری جیهانی،شەڕێکی بەرفراوانی بەسەر ئێرانی ئیسلامیدا سەپاند کە بۆ ماوەی هەشت ساڵ بەردەوام بوو.
