وتەبێژی وەزارەتی دەرەوەی ئێران، پێشوازیی لە ڕێککەوتنی گۆڕینەوەی دیلەکانی شەڕی یەمەن کرد.

«ناسر کەنعانی» وتەبێژی وەزارەتی دەرەوەی ئێران، پێشوازیی ڕێککەوتنی گۆڕینەوەی دیلەکانی شەڕی یەمەن کرد بە سەرپەرشتیی ڕێکخراوی نەتەوە یەکگرتووەکان و خاچی سووری نێودەوڵەتی.

بە پێی ڕاپۆرتی ئیرنا، ناسر کەنعانی ڕۆژی سێشەممە هەوڵەکانی حکوومەتی ڕزگاریی نیشتمانیی یەمەنی لەم پێوەندییەدا بە هەنگاوێکی گرنگ بە ئاراستەی پێشکەوتنی پرسە مرۆییەکان و پتەوکردنی ڕەوتی چارەسەریی سیاسی قەیرانی یەمەن وەسف کرد.

وتەبێژی وەزارەتی دەرەوەی ئێران هیواداریی دەربڕی کە لە ئەنجامی ئەم ڕێککەوتنە و درێژەدان بە پرۆسەی ئازادکردنی پاشماوەی دیلەکان، متمانەی پێویست بۆ دامەزراندنی وتووێژی سیاسی و ئاشتیی هەمەلایەنە لە یەمەن دابین بکرێت.