ئیسلامی: نیوەی پرسە ماوەکان لەگەڵ ئاژانسی نێونەتەوەیی وزەی ئەتۆمی، چارەسەر کرا
سەرۆکی ڕێکخراوی وزەی ئەتۆمیی ئێران بەئاماژە بەوەی کە نزیک بە نیوەی پرسە ماوەکان لەگەڵ ئاژانسی نێونەتەوەیی وزەی ئەتۆمی چارەسەر کرا، وتی: دوو شوێنی ماوەش لە قۆناخی چارەسەرکران دان. بەپێی بەرنامەی ڕێککەوتن لەسەرکراو، دوولایەن، خەریکی وتووێژ و هاریکاریی لەوبارەوەن.
"محەممەد ئیسلامی" لە پەراوێزی کۆڕی ئەنجومەنی وەزیران، وێڕای ئاماژە بە ئامادەبوونی سەرۆکی ئاژانسی نێونەتەوەیی وزەی ئەتۆمی لە کۆبوونەوەی زانست و تەکنۆلۆژیای ناڤۆکیی ئێراندا، وتی: خاڵی گرینگی ئامادەبوونی بەڕێز گرۆسی لەو جڤینەدا ئەوە بوو کە کۆماری ئیسلامیی ئێران، پتانسێلێکی خۆجێیی و بەرفراوانی هەیە لە کەرتە جیاجیاکانی زانست و تەکنۆلۆژیای ناڤۆکی کە دەشێ بخرێتەبەردەست گشت جیهان.
ناوبراو وێڕای شیکردنەوەی ئەنجامی دانوستانەکان لەگەڵ گرۆسی، وتی: جگە لە بڕگەکانی بەیاننامەی هاوبەشی ڕەشەمەی١٤٠١، نزیک بە نیوەی بابەتە ماوەکانی نێوان ئێران و ئاژانس چارەسەر کرا.
بەپێی بەرنامەی ڕێککەوتن لەسەرکراو، دوو لایەن خەریکی هاریکاری و وتووێژن.
ئیسلامی وتیشی: دانوستان بۆ نەهێشتنی بایکۆتە ئابورییەکان، دانوستانی سیاسی هاوپێوەند بە بەرپرسانی سیاسی و دیپلۆماتیکی دوولایەنەو هیچ پەیوەندیی نیە بە وتووێژەکانی ئێمە لەگەڵ ئاژانسدا.
