وتەبێژی ئەرتەشی کۆماری ئیسلامی ئێران ڕایگەیاند   کە گەرووی هورمز بە داخراوی دەمێنێتەوە تا ئەو کاتەی ئەمریکا ئەو سیستەمە یاساییە و میکانیزمە قبوڵ دەکات کە ئێران دەیەوێت بەڕێوەی ببات.

 ئەمیر سەرتەیپ ئەکرەمینیا  جەختی لەوە کردەوە کە کۆنترۆڵی ستراتیژیکی  گەرووی هورمز بووەتە داواکارییەکی نیشتیمانی و وتی: هێزە چەکدارەکان لەم ستراتژییە پاشەکشە ناکەن. ئەکرەمینیا  هەروەها هۆشداریی دایە ئەمریکا و وڵاتانی دراوسێی کە هەرچەشنە کەڵک وەرگرتنێک لە خاکی وڵاتانی ناوچەکە بۆ پەلامار بە  دژی ئێران بێ وەڵام نابێت و تاکە ڕێگا بۆ کردنەوەی گەرووی هورمز ئەوەیە کە ئەمریکا کۆتایی بە کارە دوژمنکارانەی خۆی بهێنێت و پابەند بێت بە بەڵێنەکانیەوە و ئەو  میکانیزم و یاسایانە قبوڵ بکات کە کۆماری ئیسلامی ئێران دایناوە .