وەزیری دەرەوەی ئێران بە پێداگریی لەسەر ئەوەی کە کۆماری ئیسلامیی ئێران هیچ دوژمنییەکی لەگەڵ وڵاتانی ئەندامی ئەنجوومەنی هاوکاریی کەنداوی فارسدا نییە، ڕێزی گرت لە ڕۆڵی ئەرێنی و پۆزێتیڤی قەتەڕ و عوممان و نووسی: وتووێژەکانمان لەگەڵ عەرەبستانی سەعودیی بەردەوام دەکەین.

سەید عەبباس عێراقچی وەزیری دەرەوەی ئێران ئەمڕۆ لە لاپەڕەی خۆی لە سۆشیال میدیادا بەئاماژە بە دیمانەکەی لەگەڵ کەناڵی ئەلجەزیرە، نووسی: لە دیمانە لەگەڵ کەناڵی ئەلجەزیرە، جەختم لەوە کردەوە کە ئێران هیچ دوژمنییەکی لەگەڵ وڵاتانی ئەندامی ئەنجوومەنی هاوکاریی کەنداوی فارسدا نییە. سوپاسی ڕۆڵی پۆزێتیڤی قەتەڕ و عوممان دەکەین و وتووێژەکانمان لەگەڵ عەرەبستانی سەعوودیی بەردەوام دەکەین.

عێراقچی هەروەها نووسی: ئامانجمان گەیشتن بە ڕێکار و رێوشوێنی ئەمنیی تازەی ناوچەییە کە لەلایەن وڵاتانی ناوچەکەو بێ ئامادەبوونی سەربازیی بیانییەکان، بێتەدی.