هێرشی سوپای تورکیا بۆ سەر هێزەکانی پەکەکە لە سوریا
تشرینی دووه‌م 06, 2022 10:33 Asia/Tehran
سوپای تورکیا لە درێژەی دەستێوەردانی سەربازیی نایاسایی خۆی لە سووریا، 4 ئەندامی پارتی کرێکارانی کوردستانی کردە ئامانج.
بە پێی ڕاپۆرتی کەناڵی ڕادیۆ-تەلەفزیۆنی TRT، وەزارەتی بەرگریی تورکیا کوژرانی ٤ ئەندامی پەکەکەی لە شەڕگەکانی «کانی ئاشتی» و «قەڵغانی فۆرات» لە باکووری سوریا ڕاگەیاند.
وەک هەمیشە لە بەیاننامەکەی وەزارەتی بەرگریی تورکیادا بانگەشەی ئەوە کراوە کە، ئەو ئەندامانەی پەکەکە بە تەما بوونە تەقە لە هێزەکانی تورکیا بکەن و پێش هەر چالاکیەک کراونەتە ئامانج.
جێگای ئاماژەیە کە سوپای تورکیا ھەر بە ھەمان بیانوو باکووری عێراقیشی کردووەتە بە مەیدانی ڕمبازێنی خۆی. هەر لەبەر ئەمەش بەغدا سکاڵای لای نەتەوە یەکگرتووەکان لە دژی تورکیا دەربڕیوەو ئەم ڕێکخراوەیەش ڕاگەیاندنێکی بڵاوکردووەتەوەو تیای دا ئیدانەی کردارە سەربازییەکانی تورکیای لە عێراق کردووە.
