ھەڵکشانی ژمارەی قوربانیانی بوومەلەرزەکەی تورکیا بۆ زیاتر لە ٤١ هەزار کەس
بەڕێوەبەرایەتیی کارەساتەکانی تورکیا شەوی دووشەممە ڕایگەیاند، ژمارەی قوربانیانی بوومەلەرزەکەی تورکیا گەیشتووەتە ٤١ هەزار و ٢٠٠ کەس.
بەپێی ڕاپۆرتی ئیرنا، دەستەی بەڕێوەبردنی کارەساتەکانی تورکیا (ئافاد) ڕۆژی هەینی ڕایگەیاند: ژمارەی قوربانیانی بوومەلەرزەکەی باشووری ئەم وڵاتە ٤٠ هەزار و ٦٤٠ کەس بووە.
بە پێی ڕاگەیاندنی «ئافاد»، بوومەلەرزەکەی ئەم دواییە سێبەری خستووەتە سەر ژیانی ١٣ ملیۆن کەس لەم وڵاتەدا.
بوومەلەرزەیەکی گەورە بە گوڕی ٧.٨ و ٧.٦ ڕۆژی دووشەممەی شەشەمی فڤریە ناوچەکانی باشووری تورکیا و باکوری سوریای گرتەوە.
لە ئەنجامی ئەم بوومەلەرزەیە زۆرێک لە باڵاخانەکان زیانیان بەرکەوت و تیمەکانی گەڕان و فریاگوزاری سەرقاڵی لابردنی خڕبەو داروپەردووەکان و ڕزگارکردنی ئەو کەسانەن کە لەژێر کەلاوەکاندا گیریان خواردووە.
زۆرێک لە وڵاتانی جیهان لە پەیامگەلی جۆربەجۆردا هاوسۆزی و پشتیوانیی خۆیانیان بۆ حکومەت و گەلانی تورکیا و سوریا دەربڕیوە.
بەپێی ڕاپۆرتی وەزارەتی دەرەوەی تورکیا، لە ئێستادا نزیکەی پێنج هەزار و ٧٥٣ کەسی بیانی لە ٦٧ وڵاتەوە بۆ ئۆپەراسیۆنی گەڕان و ڕزگارکردن لەم وڵاتەدا خەریکی چالاکی نواندنن.
