دوابەدوای بەکارھێنرانی ڕێکە پێ نەدراوی دەرمانی «ھیدرۆکسی کلۆرۆکین» لە ناوەندێکی ڕاگرتنی بەساڵاچووان لە ئیالەتی پێسیلڤانیای ئەمریکا، دەیان بەساڵاچوو گیانیان لەدەست دا.

بە پێی ڕاپۆرتی ڕۆزنامەی دەیلی میل، ناوەندێکی ڕاگرتنی بەساڵاچووان لە ئیالەتی پێسیلڤانیای ئەمریکا، کە کارگێڕێک و ٧٣ بەساڵاچووی دانیشتووی شوێنەکە لە بەر توش بوون بە ڤایرۆسی کۆرۆنا گیانیان لە دەست داوە، لە بەر بەکارھێنانی بەبێ مۆڵەتی دەوڵەتیی  دەرمانی «ھیدرۆکسی کلۆرۆکین» بۆ ٢٠٠ نەخۆش ، حوکمی لە سەر درا.

فەرمانگەی تەندروستیی  پێسیلڤانیا ڕایگەیاند کە ئەم ناوەندە لە مانگی ئاپریل بە وەرگرتنی ڕەزانامە لە نەخۆشەکان دەرمانی «ھیدرۆکسی کلۆرۆکین»ی وەک دەرمانی پێشگرتن بە کۆرۆنا بۆ ٢٠٥ کەس لەو ٤٣٥ دانیشتوووەی خۆی بەکار ھێناوە.

دۆناڵد ترەمپ سەرۆک کۆماری ئەمریکا بەردەوام خەڵک بۆ بەکار ھێنانی ئەم دەرمانە ڕادەسپێرێت و دەڵێت بۆ خۆشی بەکاری دێنێ.