وەزیری کاروباری دەرەوەی ئێران بۆ ڕاوێژی سیاسی لە نێوان ئێران و ڕووسیا لە بواری جۆربە جۆر و لێکدانەوەی پرسەکانی بەرجام ، دوو قۆڵی، ناوچەیی و نێونەتەوەیی ، شەوی پێنج شەممە گەییشتە مۆسکۆی پێتەختی ڕووسیا.

بە پێی ڕاپۆرتی ئیرنا، «موحەممەد جەواد زەریف» وەزیری دەرەوەی ئێران لەم سەردانەی دا چاوی بە «سێرگێئی لاڤرۆف» ھاوتای ڕووسیی خۆی دەکەوێت و لە بارەی پرسەکانی بەرجام و گۆڕانکارییە ناوچەیی و دوو قۆڵییەکان وتووێژ دەکەن.

بە قسەی کازم جەلالی باڵوێزی ئێران لە ڕووسیا، ھاوکات لەگەڵ شکست ھێنانی ڕژێمی ئەمریکا لە مەڕ ملھوڕی کردنی لە بارەی گەڕاندنەوەی بایکۆتەکانی ڕێکخراوەی نەتەوەکان و ھەروەھا بەرپاکردنی مەشقی ھاوبەشی سەربازیی «قەوقاز ٢٠٢٠» بە ئامادە بوونی ئێرڕان و ڕووسیا لە ناوچەی خەزەر و دەریای ڕەش، زەریف ڕێگای مۆسکۆی گرتووەتە بەر.