دامەزراوەی تەندروستی نیشتیمانی بریتانیا ئامارێکی نوێی توشبون و مردن بەکۆرۆنای بڵاوکردەوە و تێیدا هاتوە، لەماوەی 24 کاتژمێری رابردودا، 59 هەزار و 937 حاڵەتی دیکەی توشبون بەکۆرۆنا تۆمارکراوە و بەوەش ژمارەی توشبوانی کۆرۆنا لەو وڵاتە گەیشتۆتە سێ ملیۆن و 17 هەزار و 409 حاڵەت.

جگەلە تۆمارکردنی 59 هەزار و 937 حاڵەتی دیکەی توشبون بەکۆرۆنا، هاوکات هەزار و 36 کەس بەهۆی پەتاکەوە گیانیانلەدەستداوە

سکای نیوز راگەیەنراوی ئەمڕۆی تەندروستی بریتانیای بڵاوکردەوە و تێیدا هاتوە جگەلە تۆمارکردنی 59 هەزار و 937 حاڵەتی دیکەی توشبون بەکۆرۆنا، هاوکات هەزار و 36 کەس بەهۆی پەتاکەوە گیانیانلەدەستداوە و بەوەش کۆی ژمارەی مردوان بەکۆرۆنا لەبریتانیا گەیشتە 80 هەزار و 868 حاڵەت.

 ئەوەش زانراوە، تائێستا یەک ملیۆن و 406 هەزار و 967 توشبوی کۆرۆنا چاکبونەتەوە و لەئێستاشدا زیاتر لەسێ هەزار کەس باری تەندروستییان ناجێگیرە و لەناو نەخۆشخانەکان هێڵراونەتەوە.بەهۆی بڵاوبونەوەی دو جۆری نوێی کۆرۆنا کە یەکێکیان لەئەفریقای باشورەوە سەریهەڵداوە، ژمارەی توشبوانی کۆرۆنا سێ هێندە زیادیکردوە، هەڵمەتەکانی کوتانیش دەستیان پێکردوە و بەشێک لەناوچەکانی ئینگلاندیش رێکارەکانی قۆناغی چوارەمیان بەسەردا سەپێنراوە.