یەکێتیی ئەورووپا باسی بەرپاکرانی کۆبوونەوەی لێژنەی ھاوبەشی بەرجامی کرد لە ڕۆژی ھەینی دا.

بە پێی ڕاپۆرتی ئیرنا، یەکێتیی ئەورووپا شەوی ھەینی بە دەرکردنی بەیاننامەیەک ڕایگەیاند: کۆبوونەوەی داھاتووی لێژنەی ھاوبەشی بەرجام لە ئاستی یاریدەران و بەڕێوەبەرانی سیاسیی وەزارەتخانەکانی کاروباری دەرەوەی ئێران و تاقمی چوارو یەک سبەینێ بەشێوەی ئۆنلاین بەڕێوە دەچێت.

بە پێی ڕاگەیاندنی یەکێتیی ئەورووپا، ئەم دانیشتنە بە سەرۆکایەتیی :ئێنریکە مۆرا» جێگری بەرپرسی سیاسەتی دەرەوەیی یەکێتیی ئەورووپا بەڕێوە دەچێ و نوێنەرانی چین، ڕووسیا، بریتانیاو ئێران بەشداریی تیادا دەکەن.

لە بەیاننامەکەی یەکێتیی ئەورووپا جەخت لەوە کراوەتەوە کە، لەم دانیشتنەدا بەشداران لە بارەی ئاسۆی گەڕانەوەی شیمانەیی ئەمریکا بۆ بەرجام و دڵنیا بوون لە جێبەجێ کرانی تۆکمەو تەواوو کاریگەری ڕێکەوتنەکە لە لایەن ھەموو لایەکەوە ڕاوێژ دەکەن.