ژماری قوربانیانی بوومەلەرزەکەی بەیانیی ئەمڕۆ لە ئەفغانستان گەیشتە نزیکەی هەزار کەس.

کەناڵی تولوع نیوزی ئەفغانستان لە زاری مەولەوی شەرەفەدین موسلیم، بەرپرسی کاروباری راگەیشتن بە لەگەڵ کارەساتە سروشتییەکانی ئەفغانستان بڵاویکردەوە، ژمارەی ئەو کەسانەی بەرەبەیانی ئەمڕۆ بەهۆی بوومەلەرزەکەوە گیانیان لەدەستداوە گەیشتووەتە لانیکەم ٩٢٠ کەس و ٦٢٠ کەسیش برینداربوون.

 بەرەبەیانی ئەمڕۆ چوارشەممە بوومەلەرزەیەک بە گوڕی ٦.١ پلە بە پێوەری ڕیشتەر باشووری ڕۆژهەڵاتی ئەفغانستان و بەشێک لە پاکستانی هەژاند.

 بومەلەرزەکە لە دووری ٤٤ کیلۆمەتریی لە شاری خوست  و لە  قوڵایی ٥١ کیلۆمەتریی زەوی روویداوە.