ئۆکرانیا لە درێژەی ڕێبازی دوژمنکارانەی بەرامبەر بە پیاوانی ئایینیی ئۆرتۆدۆکس، هەوڵ دەدات دیپۆرتیان بکاتەوە.

بە پێی ڕاپۆرتی ئارتی، دوای ئەوەی ئۆکرانیا بە بیانووی پشتیوانی لە ڕووسیا بەرپرسانی باڵای کلیسای ئۆرتۆدۆکسی خستە لیستی سزاکانی خۆیەوە، کییەف بەدوای دەرکردنی پیاوانی ئایینی ئۆرتۆدۆکسدایە.

لە هەمان کاتدا مەسیحییە ئۆرتۆدۆکسەکان لە پایتەختی ئۆکرانیا هەوڵ دەدەن ڕێگری بکەن لە چوونە ژوورەوەی پۆلیس بۆ کلیسا و وەدەرنانی پیاوانی ئایینی.

هاوکات نیگەرانی لەلایەن کەسایەتییە ئاینییەکان لە سەرانسەری جیهان لەوان پاپا فرانسیس، سەرۆکی کاسۆلیکەکانی جیهان، سەبارەت بە سنووردارکردنی ئازادیی کلیسا لە ئۆکرانیا وروژێنراوە.

هەوڵەکانی کلیسای ئۆرتۆدۆکسی ئۆکرانیا بۆ پاراستنی کۆنترۆڵی دێری «پێچەرسک لاڤرا کییەف» لە پایتەختی ئۆکرانیا لەلایەن دادگایەکی ئەم وڵاتە ڕەتکرایەوە.