ئەحمەد سەحاف وتەبێژی وەزارەتی دەرەوەی عێراق شەوی رابردوو لە بەیاننامەیەک دا وێڕای پشتڕاستکردنەوەی سەردانەکەی محەمەد جەواد زەریف وەزیری دەرەوەی کۆماری ئیسلامیی ئێران بو بەغدا گوتی : لەم سەردانەدا پێوەندی دوو قۆڵی و هۆگریە هاوبەشەکانی دوو وڵات قسەی لەسەردەکرێ .

بە پێی راپۆری ئیرنا ، ئەحمەد سەحاف لەم بەیاننامەیەدا گوتیشی ، محەمەد جەواد زەریف وەزیری  دەرەوەی ئێران دوشەممە دەگاتە بەغدا و چاوی دەکەوێ بە فواد حسێن هاوشانی عێراقی خۆی و دۆسیەی هاریکاریی و گەشەی پێوەندیی دوو وڵات تاووتوێ  دەکات .

 وەزیری دەرەوەی ئێران بڕیاررە سەرلەبەیانیی ئەمڕۆ دوشەممە دوای کۆتایی هاتنی سەردانەکەی لە قەتەر ، دەوحە بەرەو بەغدا بەجێ بهێڵێ .

 سەردانی وەزیری دەرەوەی ئێران لە بەغدا دو رۆژە دەبێ و زەریف جیا لە دیداری لەگەڵ هاوشانی عێراقی ، لە گەڵ کاربەدەستانی دیکەی ئەم وڵاتەش دیدار و وتووێژ دەکات .

زەریف لەم گەشتەی دا سەردانی هەرێمیش دەکات و چاوی دەکەوێ بە کاربەدەستانی هەرێمی کوردستان .